కేన్సర్ బారినపడిన టెన్సిస్ దిగ్గజం మార్టినా

టెన్నిస్ దిగ్గజం, 18 గ్రాండ్‌స్లామ్ సింగిల్స్ చాంపియన్‌షిప్ టైటిళ్లను గెలుచుకున్న విజేత మార్టినా నవ్రతిలోవా గొంతు, బ్రెస్ట్ కేన్సర్ బారినపడ్డారు. న్యూయార్క్‌లో ఆమె చికిత్స తీసుకోనున్నారు. మార్టినా 2010లోనే బ్రెస్ట్ కేన్సర్ బారినపడ్డారు. ఆ తర్వాత ఆమె శస్త్రచికిత్స, రేడియేషన్ థెరపీ చేయించుకుని బయటపడ్డారు. ఇప్పుడు మరోమారు ఆమెను కేన్సర్లు నిర్ధారణ అయ్యింది. అయితే, ఇవి ప్రారంభ దశలోనే ఉన్నాయని, కోలుకుంటానని 66 ఏళ్ల మార్టినా ఆశాభావం వ్యక్తం చేశారు. గత డబ్ల్యూటీఏ ఫైనల్స్ సందర్భంగా మెడ భాగంలో గడ్డను గమనించినట్టు మార్టినా చెప్పారు. దీంతో బయాప్సీ చేయించుకోవాలని నిర్ణయించుకున్నానని, పరీక్షల్లో కేన్సర్ తొలి దశలో ఉన్నట్టు నిర్ధారణ అయిందన్నారు. మార్టినా గొంతు పరీక్షలు చేయించుకున్న సమయంలో రొమ్ములో అనుమానాస్పద రూపం బయటపడిందని, అది కూడా కేన్సర్ అని నిర్దారణ అయిందని పేర్కొన్నారు. అయితే, ఇది గొంతు కేన్సర్‌కు సంబంధం లేదని వైద్యులు తెలిపారు. రెండు కేన్సర్లు తొలి దశలోనే ఉన్నాయని, కాబట్టి భయపడాల్సిన అవసరం లేదని పేర్కొన్నారు.