“సమ్మక్క సారక్క జాతర చూడ పోదమా..” ఫోక్ సాంగ్ ను లాంచ్ చేసిన హీరో సుమన్

హైద‌రాబాద్ , ఫిలింన‌గ‌ర్

ఎర్ర దళం, ప్రతిక్షణం అమ్మకోసం, ఇలా చూడు ఒకసారి, మరో దృశ్యం వంటి సినిమాలలో హీరోగా నటించడమే గాక సెక్సీ స్టార్, థ్రిల్లింగ్, శ్రీ మణికంఠ మహిమలు, చేతిలో చెయ్యేసి చెప్పు బావా వంటి మొదలగు సినిమాలకు దర్శకుడిగా, కొరియోగ్రాఫర్ గా చేసిన నటుడు, దర్శకుడు, కొరియోగ్రాఫర్  కట్ల రాజేంద్రప్రసాద్. వి.బి దర్శకత్వంలో రూపొందిన సరికొత్త జానపద వీడియో సాంగ్ “సమ్మక్క సారక్క జాతర చూడ పోదమా… విడుదల అయింది.

పచ్చవ వెంగళరావు క్రియేషన్స్ పతాకంపై వెంకట రాకేష్ నిర్మాణ సారధ్యంలో రూపొందించిన “సమ్మక్క సారక్క జాతర చూడ పోదమా..” అను జానపద పాటను సినీ నటుడు సుమన్ ఆవిష్క‌రించారు. ఈ కార్యక్రమంలో నిర్మాత తుమ్మలపల్లి రామ సత్యనారాయణ తదితర సినీప్రముఖులు పాల్గొని. ఈ సాంగ్ చేసిన టెక్నికల్ టీం అందరికి అల్ ద బెస్ట్ తెలియజేశారు.

ఈ సంద‌ర్బంగా సినీనటుడు సుమన్ మాట్లాడుతూ.. నాకు రాజేంద్ర ప్రసాద్ చాలా సంవత్సరాల నుంచి పరిచయం.తను చాలా హార్డ్ వర్కర్.తనతో సినిమాలు కూడా చేశాను. తెలంగాణలో ఉన్న దేవతలు, గ్రామ దేవతల గురించి చాలా మందికి చాలా తెలియని విషయాలను పాటల ద్వారా తెలియడం జరిగిందన్నారు. మేడరం లోని సమ్మక్క సారక్క గురించి చేసిన పాట చాలా బాగుంద‌ని.. ఒకే లొకేషన్లో చుట్టేయకుండా ఖర్చుకు వెనుకాడకుండా డీఫ్రెంట్ లొకేషన్స్ లలో తీశారని తెలిపారు. శ్రీదేవితో పాటు అందరూ చాలా బాగా డాన్స్ చేశారని…ఇలాంటి మంచి హిస్టారికల్ మెసేజ్ ఓరియెంటెడ్ సాంగ్స్ ఎన్నో తీసి జనాల్లో భక్తి భావం పెంపొందించేలా చెయ్యాలని మనస్ఫూర్తిగా కోరుతున్నానని సుమ‌న్ తెలిపారు.

నిర్మాత తుమ్మల పల్లి రామ సత్యనారాయణ మాట్లాడుతూ.. కట్ల రాజేంద్రప్రసాద్ దర్శకుడిగా నటుడిగా కొరియో గ్రాఫర్ గా సినీ ఇండస్ట్రీలో అద్భుతమైన సర్వీస్ అందిస్తున్నాడు.సమ్మక్క సారక్క జాతర చూడ పోదమా.. అనే టైటిల్ తో అద్భుత మైన పాట రూపొందించార‌ని…ఈ పాటను న‌టుడు సుమన్ చేతుల మీదుగా విడుదల చేయించార‌ని తెలిపారు. సుమన్ గారు రాజేంద్రప్రసాద్ మీద అభిమానంతోనే ఈ పాటను విడుదల చేయడం జరిగిందన్నారు. రాజేంద్ర ప్రసాద్ సినిమాల ద్వారా పాటల ద్వారా ఎంతో మంది టెక్నీషియన్స్ ను ప్రోత్సహిస్తూ కొత్త ట్యాలెంట్ ను ఇండస్ట్రీ కు పరిచయం చేస్తున్నాడ‌ని గుర్తు చేశారు. థియేటర్లు ఓ.టి.టి ల మాదిరే యూట్యూబ్ ఛానల్ లో కూడా  రిలీజ్ చేసి కొత్త నిర్మాతలను ఇండస్ట్రీ కి పరిచయం చేస్తూ ఎంతో మంది ఆర్టిస్టులకు ఉపాధి కల్పిస్తున్నాడని తెలిపారు. సినిమా ఇండస్ట్రీలోనే కాక ఇలాంటి  ఫోక్ సాంగ్స్  జనాలలో ఎంతో ప్రాచుర్యం పొందాయని ఆశాభావం వ్య‌క్తం చేశారు. ఈ పాట చాలా బాగుందని… హీరోయిన్ శ్రేదేవి కూడా చాలా బాగా చేసిందన్నారు . యూట్యూబ్ ఛానల్ ద్వారా విడుదల చేస్తున్న ఈ పాట గొప్ప విజయం సాధించాలన్నారు.

యాక్టర్, డైరెక్టర్, రైటర్, కొరియోగ్రాఫర్ కట్ల రాజేంద్ర ప్రసాద్.వి.బి మాట్లాడుతూ..మా పాటను విడుదల చేయడానికి  వచ్చిన మా హీరో సుమన్ ,నిర్మాత తుమ్మలపలి రామసత్యనారాయణ ల‌కు ధన్యవాదాలు.36 సంవత్సరాల క్రితం సినిమాపై ఉన్న ఫ్యాషన్ తో  హీరోగా అవ్వాలని ఇండస్ట్రీ కు వచ్చిన నేను 4 సినిమాలలో హీరోగా నటించి 10 సినిమా లకు డైరెక్షన్ చేయడం జరిగిందన్నారు. కళామతల్లి దీవెనలతో కన్నడ తెలుగు తమిళ బాషల్లో 100 సినిమాలకు పైగా కొరియోగ్రాఫర్ గా పనిచేయడం జరిగింద‌ని….ప్రస్తుతం రెండు సినిమాలు విడుదలకు సిద్ధంగా ఉన్నాయ‌ని తెలిపారు. త్వరలో మా అబ్బాయిని కూడా హీరోగా కూడా పరిచయం చేస్తున్నాన‌ని తెలిపారు. ఏదైనా డీఫ్రరెంట్ గా భక్తి పాటలు తీద్దామనుకుని నా వ‌ద్ద‌కు వ‌చ్చిన రాకేష్ “సమ్మక్క సారక్కల” గొప్ప తనాన్ని ప్రపంచానికి చాటి చెపుతూ..ఆ దేవతలను కొలిచే వారికి మన పాట ఒక మంచి గిఫ్ట్ గా అందించాడ‌ని తెలిపారు. . ఈ సాంగ్ షూట్ చేయడానికి ముందుగా కొన్ని వందల పాటలు చూసి వాటికి భిన్నంగా “సమ్మక్క సారక్క జాతర పోదామా” అనే పాట ఉండాలని డీఫ్రరెంట్ లొకేషన్స్ లలో నిర్మాతలు రాకేష్,నరేష్, శ్రీకాంత్ లు ఖర్చుకు వెను కాడకుండా 6 లక్షల రూపాయల ఖర్చుతో చిత్రీకరించడం జరిగిందన్నారు. ఈ సాంగ్ ని రెండు వెర్షన్స్ లో తీశామని.. మేకింగ్ వీడియోను కూడా రిలీజ్ చేస్తున్నామ‌న్నారు. పి.డి.రావు యు ట్యూబ్ చానెల్ లో “సమ్మక్క సారక్క జాతర చూడ పోదమా..” సాంగ్ ప్రసారం చేయడం జరుగుతుందన్నారు. అందరూ ఈ పాటను చూసి ఆదరించాలని మనస్ఫూర్తిగా కోరుకుంటున్న‌ట్లు ఆయ‌న తెలిపారు.

సహ నిర్మాతలు నరేష్ కుమార్ సిద్ధ, జలగం కేశవరావు లు మాట్లాడుతూ.. మా పాటను విడుదల చేయడానికి వచ్చిన సుమన్ గారికి, రామ సత్యనారాయణ గారికి ధన్యవాదాలు.అమెరికాలో ఉన్న మా స్నేహితుడు రాకేష్ దేవతల యొక్క గొప్ప తనాన్ని ప్రజలకు  తెలియజెయ్యాలనే ఆలోచనను మాకు చెప్పడంతో మేము చిత్ర దర్శకుడు రాజేంద్ర ప్రసాద్ ని కలవడం జరిగిందన్నారు.ఈ పాటను శ్రీదేవి,జాను లిరి,సోనమ్ రాయ్ వంటి ముగ్గురు లీడ్ యాక్టర్స్ తో రెండు రోజులు షూట్ చేయడం జరిగిందని తెలిపారు. .క్లాసికల్ డాన్సర్ అయిన శ్రీదేవి చాలా చక్కగా డ్యాన్స్ చేసిందని…ఒకే లొకేషన్స్ లలో కాకుండా డీఫ్రరెంట్ లొకేషన్స్ లలో 6 లక్షల రూపాయల ఖర్చుతో ఈ పాటను షూట్ చేయడం జరిగిందన్నారు . ఇందులో పని చేసిన ఆర్టిస్టులు అందరూ చాలా బాగా చేశారని…నెక్స్ట్ మేము వేములవాడ రాజన్న మీద సాంగ్ చేస్తున్నామ‌ని తెలిపారు. మార్చి ఫస్ట్ కు ఈ పాటను విడుదల చేయడానికి ప్లాన్ చేస్తున్నామని తెలిపారు.

నటి శ్రీదేవి మాట్లాడుతూ.. ఇలాంటి మంచి భక్తి పాటకు డ్యాన్స్ చేసే అవకాశం కల్పించిన దర్శక, నిర్మాతలకు ధన్యవాదాలు తెలిపారు.

నటీనటులు
శ్రీదేవి,జాను లిరి,సోనమ్ రాయ్,

సాంకేతిక నిపుణులు
నిర్మాత : వెంకట రాకేష్ పచ్చవ
సహ నిర్మాతలు : నరేష్ కుమార్ సిద్ధ, జలగం కేశవరావు ఫోటోగ్రఫీ : యాదగిరి
లిరిక్స్: వెంకట్ బాలగోని
ఎడిటర్ : ప్రణయ్
పోస్ట్ ప్రొడక్షన్ : శ్రీ సారథి స్టూడియో
కాన్సెప్ట్ డిజైనర్ : తాజ్ మాస్టర్
సంగీతం – కొరియోగ్రఫీ : కట్ల రాజేంద్రప్రసాద్.వి.బి
పి ఆర్.ఓ : ఆర్.కె.చౌదరి