మూడోసారి తండ్రి కాబోతున్న మార్క్ జుకర్‌బర్గ్

ఫేస్‌బుక్ సహ వ్యవస్థాపకుడు, మెటా సీఈవో మార్క్ జుకర్‌బర్గ్ మూడోసారి తండ్రి కాబోతున్నాడు. ఈ విషయాన్ని జుకర్ బర్గ్ ఇన్‌స్టాగ్రామ్ ద్వారా పంచుకున్నారు. ప్రేమకు ప్రతిరూపమైన మరో వ్యక్తి 2023లో తమ జీవితంలోకి రాబోతున్నట్టు పేర్కొన్నారు. భార్య ప్రిస్కిలా చాన్‌తో ఉన్న ఫొటోను పంచుకున్నారు. ఆ ఫొటోలో ప్రిస్కిల్లా బేబీబంప్‌తో కనిపించారు.

మార్క్ జుకర్‌బర్గ్, ప్రిస్కిల్లా చాన్ ఇద్దరూ కాలేజీ మేట్స్. హార్వర్డ్ యూనివర్సిటీలో చదువుకుంటున్నప్పుడు వీరి మధ్య ప్రేమ చిగురించింది. 2003 నుంచి డేటింగ్‌లో ఉన్నారు. అనంతరం 19 మే 2012లో వివాహం చేసుకున్నారు. 2015లో మాక్సిమా చాన్ అనే అమ్మాయికి జన్మనిచ్చారు. ఆ తర్వాత ఆగస్టు 2017లో మరో పాప ఆగస్ట్ జన్మించింది. ఇప్పుడు మరో చిన్నారికి జుకర్ బర్గ్ దంపతులు జన్మనివ్వబోతున్నారు.